Back Simone de Beauvoir Afrikaans Simone de Beauvoir AN سيمون دي بوفوار Arabic سيمون دو بوڤوار ARY سيمون دى بوفوار ARZ Simone de Beauvoir AST Simone de Beauvoir AVK Simone de Beauvoir Aymara Simona de Bovuar Azerbaijani سیمون دو بووار AZB
D Simone de Beauvoir [si:ˈmɔn də bo:ˈvwa:ʀ] (* 9. Januar 1908 as Simone Lucie-Ernestine-Marie Bertrand de Beauvoir z Bariis; † 14. April 1986 z Bariis) isch e franzöösischi Schriftstellere, Filosoofin und Feministin gsi. Si isch politisch engaschiert gsi und het e Hufe Romään, Erzääluge, Essey und Memuare gschriibe. Si gältet as Verdrätere vom Existentialismus. Mit iire bäide existentialistische Romään L'Invitée (1943; dt.: Sie kam und blieb) und Le Sang des autres (1945), 1984 vom Claude Chabrol as Das Blut der Anderen verfilmt, het d Simone de Beauvoir Anerkennig as Schriftstellere überchoo. Dr Wälterfolg Das andere Geschlecht (1949) gältet as e Mäilestäi in dr feministische Litratuur und het us ere die bekanntisti Intellektuelli z Frankriich gmacht.